காதல் தோல்வி ( Kathal tholvi )

காற்றில் விதை தூவி

வெந்நீர் தனை ஊற்றி 

பஞ்சு வேலியிட்டு

நெஞ்சில் உரமிட்டு

பார்த்து வளர்க்காது 

உயிர் சேர்த்து வளர்த்த பயிராம் - காதல் 

இதில் மன்னவரும் மகுடமிழக்க 

விண்ணவரும் வீண் பகை சுமக்க 

பின்னவராய் நாம் மட்டும் என்ன விதி விலக்கோ ?

மனக்காதல் மணக்காததால்

மணக்காது போகும் பெண்ணை 

கண்கள் இமைக்காமல் கண்ட 

நிலைக்காதல் நினைக்காது நீக்கிடுமோ ?

நெஞ்சு பொறுக்குதில்லையே 

நம் உயிரென நினைந்தவள் உதறிடும்போது....

புற்றரவு தீண்டிடினும் 

கொடும் நஞ்சு சுவைத்திடினும்
மனம் பெற்றிடுமோ உற்ற உன்னை இழந்த வலி ?

இறக்கும் வரை இவ்வலியை இழி மரணமும் கொணர்வதுண்டோ? 

இறந்தாயினும் ஓர் வழியில் இரு மனமும் புணர்வதுண்டோ?

என்னை இறத்து உன்னை மறக்க 

உன் நினைவை மண் புதைக்க
கோழை போல் இறக்கமாட்டேன்...
கொண்ட உயிர் துறக்கமாட்டேன்...